Sahildən uzaqlaşıram
Uzaq
çılım çılpaq
Dənizleri gəzə gəzə
çayları üzə üzə
əlvida torpaq
Başımın üstündə vətən göyü
Göm göy
Dəniz daşları göy
Göz gördükcə göy
Təkcə günəş ləkəsi düşmüş göyün üzünə
Və mən vətən gözünə
Təkcə mən göy deyiləm
Nə yaxşı göy deyiləm
Yer göyə qısqanır
Ayağının altın eşir
Yıxılacaq bir gün göy.
83- bayram qabağı
Sevdim şamı
Sevdim şamı
Niyə ki o, fəsilləri tanımadı
Monaliza gülüşü tək əbədidir yaşıllığı
Göz yaşıma ıslanmağı
Sevgilimin ətəyinə aslanmağı
Ya belimin qüdrətinə dayanmağı
Istəmirəm
Hər bir şeydən özgür qalmaq
Olsa
Hatta istəmirəm
Dizim adlı dirəkləri
Mənə yanan tərəhhümlü ürəkləri
83- ölçən
Sevgilim telefonda mənə tar çalır
itməsin bu mahnı deyə
yayılsın büsbütün ellərə
melodisin yazır
telefon dirəyinin tellərinə qonmuş
köçmən quş
Qızıl gül qonçalayıb
yaz çıxmadan buraxılsam
Beş alı ağacı əkəcəyəm
Kiçik bacıma
"hər gün bunları suvar"
Söyləyəcəyəm
Tarlamızın göy tablosuna
Ulduz, ay çəkəcəyəm
Axı bizim yoncalar
Ay ışığında ucalar
Bir daha tutulsam
Tutulacaq tablodakı ay
Məktub yazacağam kiçik bacıma
Salam göndərəcəyəm alı ağacıma
Sonra yazacağam
Tapda mis qazanları
Cin qaçsın
ay açsın.
Qızım mən sənə
Nə mahnı öyrədəcəyəm
Nə yad dildə surud
Nə də quran
Get hər nəyə inanırsan inan
Mənim sənə payım
kiçicik bağça
və neçə güldan
toxum ək
su səp
hər gün günəş durmadan oyan
serçə səsinə
sarmaşıq həvəsinə
mən sənə nə salam öyrədəcəyəm
nə sağollaşma
yalnız çiçək becərmək öyrədəcəyəm
çiçək becərmək
